In Latin and English
These liturgical Latin hymns are from the Office for the Feast of St. Gabriel
Dulce nobis, Gabriélis
Perdolénte a Vírgine,
profluéntem lacrimárum
æmulári cópiam,
ut tenérrimae fleámus
sæva Matris vúlnera.
Quos, sub atro stans perémpti
Virgo Nati stípite,
corde pértulit dolóres,
mente volvit Gábriel;
inde telo ámoris ictus
sacra sistit víctima.
Ecce, consors luctuósæ
filius Deíparæ:
ecce, totis quem medúllis
Matris urget cáritas:
hisce flammis ille anhélat,
corda flagrent ómnium.
Quam Mariæ grata iugis
sunt amóris pignora!
iam perénnibus beávit
cor fidéle gáudiis:
atque fletus vertit imbrem
in nitórem glóriæ.
Quisquis ásperis levámen
rebus optas cælitus,
flere discas cum María
dira Christi fúnera:
neve lædas utriúsque
cor sceléstis móribus.
Te, Redémptor, obsequénti
laude mundus éfferat;
qui nocéntibus piándis
immoláris innocens,
quìque vivis unus semper
cum Patre ac Paráclito. Amen.
Salve, recéptus cándida
sede Angelórum, Gábriel,
cuius perénnem glóriam.
et mira gentes éfferunt.
Salve, dolórum párticeps
et gaudiórum Virginis:
virtúte per quam fúlseras,
per hanc coróna cingeris
Nostris secúndam cásibus
cæli precéris Arbitram:
pro frátribus te súpplice,
nil Virgo Mater ábnuet.
Pravis reférta erróribus
instat scatébra ab inferis:
hanc, te rógante, extérminet
Maria victrix hæresis.
Septa iuvénta fráudibus
a te iuvámen éxpetit;
qui vi supérna, sæculo
victo, triúmphum cóncinis.
Ægris medélam córdibus
infige Christi vúlnera;
Matrisque luctu témpera
vesána mundi gáudia.
Iesu, tibi sit glória,
divina proles Virginis,
qui per Mariam sérvulo
tot contulisti múnera. Amen.
Gólgothæ cives, vigiles, canámus
inclitas laudes, quibus in supérni
glória regni Gábriel, Mariæ
múnere fulget.
Mæstæ qui Matris studio coléndæ,
prima dum floret iuvenilis ætas,
sæculi blandas súperat, tenáci
róbore, fraudes.
Ipsa matérnis óculis labéntem
firmat, ætérno réfovens, amóre;
ut Deo, rebus vácuus cadúcis,
hæreat uni.
Sub crucis Christi pia Mater umbra,
sérvulo præbens documénta morum,
édocet secum Géniti cruéntam
plángere mortem.
Ille virtútum decus ac dolóres
cónsequi tantæ sátagit Magistræ:
Angelis compar, sociisque vitæ
forma regéndæ.
O nimis felix Gábriel! micánti
visa conspéctu, legit ipsa Mater
cándidum florem, superisque sertis
iungit in ævum.
Cerne cælésti iúvenes ab arce,
qui dolos certant superáre mundi:
te duce, invictos super astra cunctos
Virgo corónet!
Laus, honor Patri, Genitæque Proli,
cui datum nomen super omne nomen,
et Paracléto decus atque virtus
omne per ævum. Amen.
~~~~~~~~~~~~~~~~~~~
Hymn to St. Gabriel of Our Lady of Sorrows
Exult with joy O Church of Christ,
Thou seedbed of all holiness
Christ called to holy Gabriel
And bade him onward; forth to bliss
He chose the life beneath the Cross
Rejecting all the promises
The world proposes – he dismissed
All vainglory and emptiness
His heart aflame with charity,
From Mary’s radiant image came
The changing grace, the call to turn
To hallow’d cloisters; Christ’s domain
In Holy Passion’s livery,
The Cross of Christ His Lord in sight,
His Mother’s Sorrows in his heart
Our Saint climbed up to heaven’s height
Our praise to Father and to Son,
And to the Spirit be addressed.
Who gave us Holy Gabriel,
Beloved of Our Mother blest.
(Tune: Old 100th)
St Gabriel of Our Lady of Sorrows 